Nihan tingkahing krda krama, ri tembening atemu tangan, wusnya adengen-dengen ring sanggar agung, jumujug ring pakasutan, angarwana, adhrtikrama, wus teka ring wara, angrep ikang matsyaketu, dyus-dyusen tang kamini, dening tata mrik, mwah anggyan-anggyan, sabhusaning ratnakanya, makadi prarasan, sahananing prani, mwah sasayut tabuh rah 1. Saha tabeh-tabehan tang raramyan, mwah tanggara, yan wus wahwa saparas, tembyaning ananggung srinatha, tukunen tang weniya, dening priyanya, maka panukunya, artha, madhyanya rajata, uttamanya kancana, makadi sabagyan yan hana mreka kaminya. Yan wus sareng peteng kanya, sapocapan lawan priyanya, makadi madumpil-dumpilan, tukunen tang nadanya, dening kalpika rukmi, amata ratna, sabagya rajata, lalamakana patola sutra, wahana bokor hema, mwang sang papangantyan, yang durung akrab kambe, haywa sire uwetwing umah, angideki lebuh agung, bwat ila-ila. Nyan dharmaning sang papangantyan, yan wus atemu smara, haywa ipal-ipal, sarisarya nangken ratriya, r